सुर्खेत । कर्णाली प्रदेशको राजधानी वीरेन्द्रनगर सुर्खेतमा रहेको सहिद पार्क स्थित बाघको तस्बिर आइतबारदेखि सामाजिक सञ्चालनमा भाइरल बनिरहेको छ । वीरेन्द्रनगर नगरपालिका–४ को भैरव सामुदायिक वनभित्र रहेको ‘सहिद पार्क’ मा रहेको बाघको तस्बिरलाई लिएर सामाजिक सञ्चाल प्रयोगकर्ताले १३ लाख मुल्यको बाघको प्रतिमा भनेर चर्चा गरिरहेका छन् । भाईरल रहेका तस्बिरमा २ वटा बाघका तस्बिरहरु छन् । जसमा एउटा अलि पुरानो र एउटा नयाँ तस्वीर छ । उक्त बाघको तस्वीरको मुल्य र वनावटलाई लिएर सामाजिक सञ्जालभरी चर्चा भैरहदा हामिले यसको बास्तविकता केलाउने प्रयास गरेका छौ।
यस्तो छ, बास्तविकता,

सहिद पार्क रहेको भैरव सामुदायिक वनका अध्यक्ष एवं वीरेन्द्रनगर नगरपालिका–४ का वडा सदस्य अम्मरबहादुर कार्कीलाई यो विषयमा बुझ्न खोज्दा उनले सामाजिक सञ्जालमा गलत तथ्यलाई भाइरल बनाईएको टिप्पणी गरे । उनका अनुसार भाइल दुई वटा बाघमध्ये सानो बाघ वीरेन्द्रनगरको फलाँटे भन्ने ठाउँमा एक जना कालिगढले ४० हजारमा बनाएका हुन् । उनले आफैले म बनाउँछु भनेपछि वन समीतिले उनलाई बनाउने जिम्मा दिएको थियो । यद्यपि उनले बनाएको बाघको मुर्ती त्यत्ति राम्रो भएन । वन समीतिका अध्यक्ष कार्कीका अनुसार ती कालिगढले ढुङ्गा जोडेर बाघको प्रतिमा बनाएको बताए । तर उक्त बाघको प्रतिमा पार्कमा राखिएको ४/५ महिनामै भाँचियो । फेरी आएर ती कालिगढले ममर्त गरेपनि दुई महिनामै भाँचियो । त्यत्ति राम्रो नभएपछि ३५ हजार मात्रै भुक्तानी गरिएको कार्कीको भनाई छ ।
अर्को अलि मोटो खाले नयाँ बाघको मुर्तीसँगै एउटा कन्या (एक युवती) को मुर्तीको मुल्य १ लाख ११ हजार हो । पुरानो मुर्ती भाँचिएपछि अलि राम्रो खालो बाघको मुर्ती बनाउनु प¥यो र कर्णालीकै भेषमा झल्किने खालको एक युवतीको मुर्ती बनाउने निर्णय भयो । काँक्रेविहार र वीरेन्द्रनगरकै लाटीकोइलीको शिव मन्दीर बनाउने ललितपुरका कालिगढहरुसँग मुर्ती बनाउने विषयमा सम्पर्क भयो । अध्यक्ष कार्की भन्छन् ,‘ पछि उहाँहरुले ६ हजार घटाएपछि हामीले दुई वटा मुर्तीको १ लाख ५ हजार भुक्तानी गरेका छौँ । कन्या र बाघ दुबैको मुर्ती एउटै ढुङ्गाबाट …