काठमाडौं । नेपालले अमेरिकाविरुद्धको तीन खेलको टी-२० आई सिरज ‘क्लिन स्वीप’ गरेको छ । सोमबार भएको तेस्रो तथा अन्तिम खेलमा अमेरिकालाई हराउँदै नेपालले सिरिज ‘क्लिन स्वीप’ गरेको हो ।
सोमबार बिहान अमेरिकाको डालसमा भएको खेलमा टस जितेर पहिले ब्याटिङ गरेको अमेरिकाले निर्धारित २० ओभरमा ५ विकेट गुमाउँदै १५६ रन बनाएर नेपाललाई १५७ रनको लक्ष्य दिएको थियो । अमेरिकाले दिएको १५७ रनको लक्ष्य नेपालले १८ दशमलव ४ आभेरमा पुरा गर्यो ।
अमेरिकाका लागि सैतेजा मुक्कामल्लाले ६८, मिलिन्ड कुमारले ४३, आरोन जोन्सले १३ रन जोडे । अरु ब्याटरले दोहोरो अंक जोड्न सकेनन् ।नेपालका सोमपाल कामीले तीन, रिजन ढकाल र ललित राजवंशीले एक/एक विकेट लिएका थिए ।
यसअघि भएका दुवै खेल नेपालले जितेको थियो । पहिलो खेलमा अमेरिकालाई १७ रनले हराएको नेपालले दोस्रो खेलमा सुपरओभरमा हराएको थियो ।
संवाददाता । सोमबार, कार्तिक ०५, २०८१ मा प्रकाशित