सुर्खेत । सुर्खेतको भेरी नदिमा शनिबार बेपत्ता भएका युवाहरु २६ घन्टा बितिसक्दा पनि फेला परेका छैनन् ।शनिबार दिउँसो भेरीगंगा नगरपालिका-२ सत्तरी नजिकै पिकनिक गएका १८ वर्षीय युवकहरु भेरी नदीमा बेपत्ता भएका थिए।
जिल्ला प्रहरी कार्यालय सुर्खेतका अनुसार दिउँसो साढे १ बजे वनभोजकै क्रममा पौडी खेल्न गएका वीरेन्द्रनगर-३ का १८ वर्षीय दीपक थापा र १८ वर्षीय चन्द्र बिसी बेपत्ता भएका थिए। उनीहरू भेरीगंगा नगरपालिकाको सत्तरी नजिकै पिकनिक खान गएका थिए। भेरी नदिमा पौडी खेल्ने क्रममा बेपत्ता भएपछि बेपत्ता भएकाहरूको प्रहरी र सशस्त्र प्रहरी बलका ४ जना गाेताखाेर द्वारा खोजी कार्य भइरहेको सशस्त्र प्रहरी बल रक्तकाली गणका सशस्त्र प्रहरी उपरीक्षक बिमल डाँगीले जानकारी दिएका छन ।
उनका अनुसार आइतबार आज बिहान १०:३० देखि साझ ५ बजे सम्म ४ जना गोताखोरको टोली सहित ११ जना सशस्त्र प्रहरी र प्रहरीको टोलीले खोजी कार्य गरिरहेको छ।
संवाददाता । आइतबार, कार्तिक १३, २०७९ मा प्रकाशित