सुर्खेत । सुर्खेतको प्रमुख धार्मिक तथा पर्यटकीय स्थल देउती बज्यै मन्दिरमा वर्ल्डलिंक कम्युनिकेसन लिमिटेडले सरसफाई गरेको छ ।
आज साउन १५ गते खिर खाने दिनको अवसार पारेर वर्ल्डलिंक कम्युनिकेसन लिमिटेडले देउतीबज्यै मन्दिर परिसरमा सरसफाई गरेको हो । साथै मन्दिर परिसरमा ४ ओटा डस्टबिन समेत राखेको जनाएको छ ।
आज साउने सोमबारको दिन भक्तजनहरुको घुईचो हुने र मन्दिर वरपर फोहोर बढ्ने भएकोले मन्दिर परिसरको सरसफाई गरेको शाखा प्रमुख कुमार आचार्यले बताए । यसका साथै आफ्नो वर्ल्डलिंक कम्युनिकेसन लिमिटेडले सामाजिक उत्तरदायित्व अन्तर्गत विभिन्न समयमा यस्ता कार्यक्रमामा अझै जोड दिने बताए ।
संवाददाता । सोमबार, साउन १५, २०८० मा प्रकाशित