दैलेखमा गएराति केही युवाहरूबीच भएको झडपमा एक जनाको मृत्यु भएको छ । भैरवी गाउँपालिका–४ सिलङ्गी बजारमा स्थानीय युवाबीच भएको झडपमा सुर्खेतको वीरेन्द्रनगर नगरपालिका–२ का २० वर्षीय किशोर बुढा क्षेत्रीको मृत्यु भएको हो ।
किशोरको थप उपचारका लागि प्रदेश अस्पताल सुर्खेतमा उपचारको क्रममा ज्यान गएको जिल्ला प्रहरी कार्यालय दैलेखका सूचना अधिकारी प्रहरी निरीक्षक कमल आचार्यले बताए ।
सुर्खेतबाट भैरवी गाउँपालिका–५ सैनचौरस्थित ससुराली गएका थिए । प्रहरीले घटनास्थलबाट बा ३३ प ७९५९ नम्बरको १५० सीसीको निलो रङ्गको पल्सर मोटरसाइल उठाई सिलङ्गी प्रहरी चौकीमा राखेको छ । मृत्युको कारणबारे भने अनुसन्धान जारी रहेको प्रहरीको भनाइ छ ।
संवाददाता । शुक्रबार, कार्तिक १०, २०८० मा प्रकाशित