सुर्खेत । सुर्खेतको वीरेन्द्रनगर ५ मा रहेको गणेश मन्दिर परिसरमा बृहत सरसफाई कार्यक्रम सम्पन्न गरिएको छ ।
मंगलबार शहिद दिवशको अवसर पारेर सुर्खेतका विभिन्न संघ संस्थाहरुको सहकार्यमा गणेश मन्दिर परिसरमा कार्यक्रम सम्पन्न गरिएको हो ।
वीरेन्द्रनगर जेसीज, सुर्खेत महिला जेसीज, वीरेन्द्रनगर जुनियर जेसीजको आयोजनामा वीरेन्द्रनगर वडा न. ५ को समन्वयमा तथा जिल्ला प्रहरी कार्यलय सुर्खेत, अप्टिमिस्ट क्लब र वीरेन्द्रनगर युवा सञ्जाल वडा न. ५ को सह आयोजनामा उक्त कार्यक्रम गरिएको हो ।
नेपाल रेडक्रस सोसाइटी वीरेन्द्रनगर उपशाखा ५÷६, ग्रेस इन्टरनेशनल एजुकेशन, आईसिटी क्लब सुर्खेत र गणेश मन्दिर व्यवस्थापन समितिको सहकार्य समेत रहेको थियो ।
मन्दिरलाई स्वच्छ र सफा राख्ने उद्देश्यले मन्दिर सरसफाई कार्यक्रम राखिएको आयोजकले जनाएको छ । आगामी दिनहरुमा पनि यस्ता खालका उल्लेखनीय कार्यक्रममा सक्रिय सहभागिता रहने आयोगकले प्रतिवद्धता जनाएको छ ।
यस्तै वीरेन्द्रनगर नगरपालिका वडा न. ५ का वडा अध्यक्ष लोक बहादुर शाहीले आफ्नो वडा भित्र रहेको मन्दिरमा वडाले गर्ने कार्यक्रममा विभिन्न संस्थाहरुले कार्यक्रम गरेकोमा खुसी व्यक्त गर्दै आगामी दिनमा पनि सहकार्यको लागि अनुरोध गरेका छन् ।
संवाददाता । मङ्गलबार, माघ १६, २०८० मा प्रकाशित