सुर्खेत । जिल्लाको वीरेन्द्रनगर नगरपालिकाबाट लागूऔषधसहित एक जना पक्राउ परेका छन्। प्रहरीका अनुसार पक्राउ पर्नेमा दैलेखको ठाँटिकाँध गाँउपालिका वडा नं. ४ घर भई सुर्खेत वीरेन्द्रनगर ३ हिलेखाली बस्ने ३१ वर्षीय रविन शाही रहेका छन्।
शनिबार हिलेखालीमा लागूऔषध कारोबार भैरहेको छ भन्ने गोप्य सुचनाको आधारमा लागूऔषध नियन्त्रण व्युरो सुर्खेत र जिल्ला प्रहरी कार्यालय सुर्खेतबाट सादा पोसाकमा खटिएको सयुक्त टोलीले उनलाई पक्राउ गरिएको प्रहरीको भनाइ रहेको छ।
शंकास्पद अवस्थामा फेलापारी सोधपुछ गरी खानतलासी गर्दा निजको साथबाट प्लाष्टिक सहित ८ सय ६० मिलिग्राम र प्लाष्टिक बाहेक शुद्ध ७ सय २० मिलिग्राम लागूऔषध ब्राउन सुगर जस्तो देखिने धुलो पदार्थ फेलापारी बरामद गरी मानिस सहित नियन्त्रणमा लिई अनुसन्धान भैरहेको प्रहरीले जनाएको छ।
संवाददाता । शनिबार, भदौ २५, २०७९ मा प्रकाशित