जुम्ला । जुम्लामा आगलागीबाट जलेर एक घर नष्ट भएको छ । जिल्लाको गुठिचौर ३ गर्जाङ्कोटमा अवस्थित स्थानीयवासी गोपाल गिरीको घरमा आगलागी भएको हो ।
आगलागीबाट मानवीय क्षति भने नभएको र ३ तलाको घर पुरै जलेर नष्ट भएको झारज्वला प्रहरी चौकीका सई जगत बहादुर ऐरले बताए । उनक अनुसार बुधबार बेलुका ५ बजे तिर आगलागी भएको थियो । अहिले स्थानीय र प्रहरीको सक्रियतामा आगो नियन्त्रणमा लिइएको छ ।
प्रहरीका अनुसार आगलागीबाट करिब १५ लाख बराबरको क्षति भएको छ ।
संवाददाता । बुधबार, पुष २७, २०७९ मा प्रकाशित