सुर्खेत । वीरेन्द्रनगर नगरपालिकामा माघ २३ गतेबाट मेयर कप पुरुष फुटबल प्रतियोगिता हुने भएको छ ।
वीरेन्द्रनगर नगरपालिकाको आयोजना तथा कर्णाली प्रदेश फुटबल संघको सहकार्यमा मेयर कप हुनेछ । उक्त खेलमा वीरेन्द्रनगरका सबै वडाहरुबाट टिमहरु सहभागी हुन पाउनेछन् । वीरेन्द्रनगर नगरपालिकाको आर्थिक बर्ष २०७९/८० को बार्षिक कार्यक्रम र नगर शिक्षा समितिको पुस २८ गतेको निर्णय अनुसार मेयर कप आयोजना हुन लागेको वीरेन्द्रनगर नगरपालिकाले जनाएको छ ।
यस्तै नगरपालिकाले प्रत्येक वडाबाट मेयर कपमा फुटबल टिमहरु सहभागी हुन पनि अनुरोध गरेको छ ।
संवाददाता । बुधबार, माघ ०४, २०७९ मा प्रकाशित