प्रधानमन्त्री पुष्पकमल दाहाल प्रचण्डले सुर्खेतको छिन्चुबाट वीरेन्द्रनगर आउँदे गरेको वाग्मती प्रदेश ०१०२६ च ९२१३ नम्बरको हाईलेक्स जीप दुर्घटना हुँदा ४ जनाको मृत्यु र एक जना घाइते भएको दुर्घटनाप्रति दुख व्यक्त गरेका छन् ।
आइतबार विहान साढे २ बजेको समयमा छिन्चुबाट वीरेन्द्रनगर आउँदे गरेको वाग्मती प्रदेश ०१०२६ च ९२१३ नम्बरको हाईलेक्स जीप अनियन्त्रित भएर सडकदेखि करिब ८० मिटर तल खसेको थियो । जीप दुर्घटनामा ४ जनाको मुत्यु र एक जना घाइते भएका छन् ।
मृत्यु हुनेमा वीरेन्द्रनगर ७ बस्ने चालक बर्ष २७ का सागर शाही, दैलेख भगवतीमाई गाउँपालिका ५ बस्ने बर्ष ३१ का बबिन शाही, डुङ्गेश्वर गाउँपालिका ५ बस्ने बर्ष ३३ का दिपेन्द्र जंग शाही र उपचारका क्रममा दैलेख गुराँस गाउँपालिका ३ बस्ने बर्ष २६ का राजेन्द्र बिसीको मृत्यु भएको छ । यस्तै, दैलेख भैरबी गाउँपालिका ५ बस्ने बर्ष २५ का बिरेन्द्र राज शाहीको कर्णाली प्रदेश अस्पतालमा उपचार भईरहेको प्रहरीले जनाएको छ ।
संवाददाता । आइतबार, माघ ०८, २०७९ मा प्रकाशित