सुर्खेत । जुम्लामा ट्याकटर दुर्घटना हुदा एकजनाको मुत्यु र पाँच जना घाइते भएका छन् ।
दुर्घटनामा पातारासी गाउँपालिका-२ तल्फि वस्ने अन्दाजी ५५ बर्षका अमिर बोहोराको घटनास्थलमा नै मुत्यु भएको छ । साथै अन्य ५ जना घाईते भएका छन् ।
जुम्लाको पातारासी गाउँपालिका ६ बडीखोली भन्ने स्थानमा खंलगाबाट लाछी बजार तर्फ जादै गरेको क.प्र.००२००१ त ०४२७ नम्बरको ट्याक्टर सकड देखि अन्दाजी ५० मिटर तल खस्न गई दुर्घटना भएको थियो ।
घाइतेको उपचारको लागि कर्णाली स्वास्थ्य विज्ञान प्रतिष्ठान जुम्ला तर्फ पठाईएको र चालक फरार हुदा खोजतलास कार्य जारी रहेको प्रदेश प्रहरी कार्यालय सुर्खेतले जनाएको छ ।
संवाददाता । बिहिबार, फागुन ०४, २०७९ मा प्रकाशित