सुर्खेत । ‘सुजुकी मध्यपश्चिम विश्वविद्यालय ट्यालेन्ट हन्ट २०२३’ को विजेतालाई पुरस्कार वितरण गरिएको छ । प्रतियोगितामा बाँकेको नेपालगन्जमा इन्जिनियरिङ्गमा आध्यानरत प्रेम रोका विजेता बनेका थिए ।
आयोजक मुसोम एल्मुनाइले शुक्रबार पुरस्कार वितरण तथा रक्तदान कार्यक्रम सम्पन्न गरेको छ । प्रतियोगितामा २० जनाको सहभागीता रहेको थियो । विजेता प्रेम रोकालाई युकुलेले, फ्री कफि भौचर र भायानेटको इन्टरनेट जडानमा २० प्रतिशत छुट साथै एक महिना निशुल्क इन्टरनेट सेवा प्रदान गरिएको र करिब २० जनाले रक्तदान गरेको मुसोम एल्मुनाइका सचिव संजय योगीले जानकारी दिए ।
यस्तै सहभागी सबैलाई फ्री कफि भौचर र भायानेटको इन्टरनेट जडानमा २० प्रतिशत छुट साथै एक महिना निशुल्क इन्टरनेट सेवा प्रदान गरिएको पनि आयोजकले जनाएको छ ।
संवाददाता । शुक्रबार, फागुन १२, २०७९ मा प्रकाशित