सुर्खेत । सुर्खेतको गोरेटो फ्याम्ली रेष्ट्रो एण्ड लाइभ म्युजिक बारमा फागु पूणिमा (होली) विशेष प्रस्तुति हुने भएको छ ।
फागुन २२ गते होलीको अवसरमा वीरेन्द्रनगर गोदामलाइन फुटसल रोडमा रहेको गोरेटाे बारमा विशेष कार्यक्रम सहित चर्चित गायक अलमोडाको सांगितीक प्रस्तुति रहने गोरेटो लाइभ म्युजिक बारका व्यवस्थापक सुबर्ण थापाले जानकारी दिए । कर्णाली प्रदेशको राजधानी सुर्खेतमा शान्त, सुरक्षित र रमणिय वातावरणमा होली मनाउने उदेश्यले सांस्कृतिक कार्यक्रम सहितको होली विशेष कार्यक्रम आयोजना गरिएको उनले बताए ।
होलीको दिन गोरेटो बारमा दिउँसो २ बजेदेखि कार्यक्रम सुरु हुने र यसमा राष्ट्रिय तथा स्थानीय बिभिन्न कलाकारहरुको प्रस्तुति संगै होली विशेष कार्यक्रम हुनेछ । यस्तै उक्त दिन गोरेटो बार होली विशेष कार्यक्रमका लागि रु १ हजार प्रवेश शुल्क पनि राखिएको छ । प्रवेश शुल्कमा बिभिन्न प्रकारका पेय पदार्थ तथा नास्ताकाे शुल्क पनि जोडिएको गोरेटो बारले जनाएको छ ।
संवाददाता । शुक्रबार, फागुन १२, २०७९ मा प्रकाशित