दैलेख । जिल्लाको आठबीस नगरपालिका–६ माल्यको वनमा भएको आगलागीमा गम्भीर घाइते भएकाको उपचारका लागि हेलिकप्टरबाट काठमाडौं लगिएको छ ।
आगलागीमा ११ जना घाइते भएकोमा चार जनालाई थप उपचारका लागि काठमाण्डाै लगिएकाे हो । गृह र रक्षा मन्त्रालयसँग समन्वय गरेर गम्भीर घाइते चार जनालाई थप उपचारका लागि हेलिकप्टर लगिएको छ ।
घाइतेको हाल काठमाण्डाैकाे कीर्तिपुर अस्पताल उपचार थालिएकाे छ ।
घाइतेहरू आठबीस–६ सिगासैनका ३५ वर्षीय भीमबहादुर विक, ३४ वर्षीय प्रकाश विक, ३० वर्षीया बसन्धुरा विक र ३२ वर्षीया जुना विकलाई काठमाण्डौ पुर्याइएकाे जिल्ला प्रहरी कार्यालय दैलेखले जनाएको छ ।
प्रकाशित मिति : २०८० वैशाख २७ गते बुधबार
