सुर्खेत । यस वर्षको उत्तम शान्ति पुरस्कार शून्यको मूल्य कृतिबापत साहित्यकार डा नवराज केसीलाई प्रदान गरिने भएको छ। उत्तम कुँवर स्मारक पुरस्कार गुठीले केसीलाई १ लाख राशिको उक्त पुरस्कार प्रदान गरिने निर्णय भएको घोषणा गरेको हो ।
शून्यको मूल्य कृतिबाट अँध्यारो समाजलाई उज्यालोतर्फ उन्मुख गराउने सन्देशसहित कर्णालीका आमाहरूको दुःख पीडा, साहस र संघर्षलाई मार्मिक, यथार्थपरक र आख्यानात्मक शैलीमा प्रस्तुत गरेबापत साहित्यकार केसीलाई पुरस्कारका लागि छनाेट गरिएको गुठीले जनाएको छ।
![](https://karnalimedia.com/wp-content/uploads/2023/12/1701696927664.gif)
गुठीले २०४४ सालदेखि निबन्ध, यात्रा संस्मरण, जीवनी, आत्मकथा, अन्तर्वार्ता लगायतका आख्यानमुक्त गद्य विधाका उत्कृष्ट नेपाली कृतिहरूलाई बर्सेनि यो पुरस्कार दिँदै आएको छ ।
![](https://karnalimedia.com/wp-content/uploads/2023/01/nawadurga.gif)
संवाददाता । शुक्रबार, जेठ १२, २०८० मा प्रकाशित