सुर्खेत । युवा तथा खेलकुद मन्त्रालयले प्रदान गर्ने खेलकुद पत्रकारिता प्राेत्साहन पुरस्कार यस बर्ष कान्तिपुरकर्मी ज्योति कटुवाललाई प्रदान गरिएको छ ।
युवा तथा खेलकुद मन्त्रालयले शुक्रबार एक समारोह आयोजना गरेर राष्ट्रिय खेलकुद प्रतिभा एवं खेल पत्रकारिता पुरस्कार तथा सम्मान प्रदान गरेको हो । कान्तिपुरकर्मी कटुवाल यो बर्षको खेलकुद पत्रकारिता प्राेत्साहनबाट पुरस्कृत भएकी हुन ।
पुरस्कृत पत्रकार, खेलाडीलगायतलाई युवा तथा खेलकुदमन्त्री डिगबहादुर लिम्बूले प्रमाणपत्र र नगद प्रदान गरेका थिए ।
यस्तै पुरस्कृत हुने पत्रकारमा ललितबहादुर बुढा, ज्योति कटुवाल, सुवास विडारी, दिपक परियार, अर्जुनकुमार सुवेदी, संजीवकुमार शाह, धनबहादुर गुरुङ, विजय नेपाल, पूर्णबहादुर खड्का, सिताराम कोइराला रहेका छन् ।
संवाददाता । शनिबार, जेठ १३, २०८० मा प्रकाशित