दैलेख । दैलेखको लोहोरे खोलामा पौडी खेल्ने क्रममा डुबेर एकजना बालकको मृत्यु भएको छ ।
शनिबार जिल्लाको डुङ्गेश्वर गाउँपालिका १ खाडा बस्ने बल बहादुर खड्काका छोरा बर्ष ९ का गणेश बहादुर खड्काको लोहोरे खोलामा पौडी खेल्ने क्रममा डुबेर मृत्यु भएको जिल्ला प्रहरी कार्यालय दैलेखले जनाएको छ । प्रहरीका अनुसार घटनास्थलको प्रारम्भिक अनुसन्धान कार्य पुरा गरी उक्त शवको पोष्ट मार्टमको लागि जिल्ला अस्पतालको शव गृहमा राखिएको छ ।
संवाददाता । शनिबार, जेठ २७, २०८० मा प्रकाशित