सुर्खेत । सुर्खेत वीरेन्द्रनगरको घण्टाघर चोक नजिक गएराती मोटसाइकलले ठक्कर दिँदा एक महिलाको मृत्यु भएको छ ।
मोटरसाइकलको ठक्करबाट मृत्यु हुनेमा वीरेन्द्रनगर नगरपालिका ११ बस्ने बर्ष ५० कि टिका सुनार रहेको जिल्ला प्रहरीक कार्यालय सुर्खेतका डिएसपी लक्ष्मण शाहीले जानकारी दिए । उनका अनुसार गएराती अन्दाजी ११ बजेतिर मोटरसाइकलले उनलाई घण्टाघर चोक नजिक ठक्कर दिएको थियो ।
दुर्घटनामा चालक पनि घाइते भएकोले उनको कर्णाली प्रदेश अस्पतालमा उपचार भइरहेको छ । साथै मोटरसाइकल प्रहरीले नियन्त्रणमा लिएर अनुसन्धान गरिरहेको छ ।
संवाददाता । बुधबार, असार १३, २०८० मा प्रकाशित