सुर्खेत । मुखभित्र लुकाएर राखेको लागूऔषध ब्राउन सुगर सहित एकजना पक्राउ परेका छन् । पक्राउ पर्नेमा सुर्खेत गुर्भाकोट नगरपालिका १३ बस्ने बर्ष १९ का सनिम सिरिष रहेको कर्णाली प्रदेश प्रहरी कार्यालयले जनाएको छ ।
उनलाई भेरीगंगा नगरपालिका १२ छिन्चु बजार स्थित ईलाका प्रहरी कार्यालय छिन्चुबाट खटिएको ४ जनाको प्रहरी टोलीले शंका लागि चेकजाचँ गर्दा उनले मुखभित्र लुकाई छिपाई राखेको नापतौल गर्दा शुद्द २ ग्राम ४२ मिलिग्राम लागूऔषध ब्राउन सुगर जस्तो देखिने खैरो धुलो पदार्थ सहित प्रहरीले नियन्त्रणमा लिएको हो ।
पक्राउ परेका सिरिषलाई थप अनुसन्धानका लागि ईलाका प्रहरी कार्यालय छिन्चुमा राखिएको छ ।
संवाददाता । मङ्गलबार, भदौ ०५, २०८० मा प्रकाशित