सुर्खेत । लेखक तथा सर्जक डा. महेन्द्र कुमार मल्लको नयाँ गीत हाँगा डालीलाई दर्शक श्रोताले रुचाइदिएका छन् । यो समाचार तयार पार्दासम्म यो गीतलाई झण्डै ११ लाखभन्दा बढीपटक हेरिएको छ ।
पछिल्लो समयकी भाइरल गायिका सिम्रन परियारको स्वरमा रहेको यो गीत साउन ३१ गते डा. महेन्द्र कुमार मल्ल युट्युव च्यानलबाट सार्वजनिक भएको थियो । हालसम्म ११ लाखभन्दा बढी पटक हेरिएको यस गीतमा दुई हजारभन्दा धेरै प्रतिक्रिया र ४५ हजारभन्दा धेरैले लाइक गरेका छन् ।
यस गीतमा डा. महेन्द्र कुमार मल्लको स्वयमको शब्द, शिव सङ्गीतको सङ्गीत र नितु सिंह ठकुरीको व्यवस्थापनमा रहेको छ । यस्तै दर्शकले एकदमै मन पराएको यस गीतमा सामाजिक सञ्जालमा भाइरल बनिरहेकी बागलुङकी नवगायिका सिम्रन परियारकाे स्वर रहेको छ ।
‘हाँगा डालीमा’ गीत तलको लिङ्कमा क्लिक गरेर हेर्न सकिनेछ ।
संवाददाता । मङ्गलबार, भदौ २६, २०८० मा प्रकाशित