सुर्खेत । कलाकारिता क्षेत्रमा लामो समयदेखि महत्वपूर्ण योगदान पुर्याउने सुर्खेती कलाकारहरू नन्दा वस्याल, सीता भण्डारी र माया थापालाई सम्मान गरिएको छ ।
आज बागीना समुहले सुर्खेतमा आयोजना गरेको हरितालिका तीज सद्भावना मेलामा तीनै जनालाई सम्मान गरेको हो ।
कलाकारिता क्षेत्रमा लामो समयदेखि महत्वपूर्ण योगदान पुराएर अन्तर्राष्ट्रिय स्तरसम्म देशलाई चिनाउन सफल भएको साथै धेरै पटक महत्वपूर्ण पदक हासिल गरि युवाहरूका लागि उदाहरणीय बन्न सफल भएकोमा बागीना समुहले विश्व स्योङ्नाम हान्मादाङ अन्तर्राष्ट्रिय तेक्वान्दो च्याम्पियनसिपमा नेपाललाई स्वर्ण पदक जिताउन सफल नन्दा वस्याल, कलाकार सीता भण्डारी र माया थापालाई सम्मान गरेकाे बताएको छ ।
वीरेन्द्रनगर नगरपालिका नगर प्रमुख माेहनमाया ढकालको प्रमुख आतिथ्यतामा तीज सद्भावना कार्यक्रम सम्पन्न भएको छ ।
संवाददाता । सोमबार, असोज ०१, २०८० मा प्रकाशित