सुर्खेत । नेकपा एमाले कर्णाली प्रदेशको अध्यक्षमा गुलावजंग शाहको प्यानल नै विजयी भएको छ ।
मतपरिणाम अनुसार शाहले ३६९ मत ल्याएर विजयी हुँदा उनका प्रतिस्पर्धी मीनबहादुर शाहीले २०७ ल्याए । अध्यक्षकै अर्का प्रत्यासी प्रकाश रोकायाले ४ मत मात्रै ल्याएको निर्वाचन कमिटीले जनाएको छ ।
त्यस्तै एको कर्णाली प्रदेशको उपाध्यक्षमा टेकराज पछाईले विजयी भएका छन् । उनले ३४२ ल्याएर विजयी भएका हुन् । त्यस्तै सचिवमा पनि गुवालजंग शाहकै प्यानलबाट ध्रुवकुमार शाहीले ४०६ मत ल्याएर विजयी भएको निर्वाचन कमिटीका संयोजक मात्रिका खनालले जानकारी दिए ।
त्यस्तै उपसचिवमा रवीन्द्रराज शर्माले २९९ र रमेशबहादुर शाहीले २६६ मत ल्याएर विजयी भएका छन् । विजयी शर्मा र शाही गुवालकै प्यानलका हुन् ।
सर्वसम्मत नेतृत्व चयन गर्न नसकेपछि निर्वाचन भएको थियो । आइतबार भएको मतदानमा कुल ६१६ मतदातामध्ये ६०४ मत खसेको थियो । खसेको कुलमत मध्ये ९ म बदर भएको छ भने ५९५ मत सदर भएको हो ।
संवाददाता । सोमबार, असोज १५, २०८० मा प्रकाशित