मुगुको मुन्दु गाउँमा चार जना मृत भेटिएको घटनास्थलमा कर्णाली प्रदेश प्रहरी प्रमुख डिआइजी भीमप्रकाश ढकाल पुगेका छन्।
मुगुको छायाँनाथ रारा नगरपालिका वडा नम्बर ५ मुन्दु गाउँमा चार जना मृत भेटिएकोमा अनुसन्धानमा भएका प्रगति बुझ्न र अनुसन्धानलाई थप सहयोग गर्न आइतबार डिआइजी ढकाल मुगु पुगेका हुन्।
गत शुक्रबार बिहान श्रीदेवी बोहोरा, उनका ११ वर्षका छोरा मनोज, सात वर्षकी छोरी अप्सरा र १ वर्षका छोरा रहर मृत भेटिएका थिए। उनीहरूको हत्या भएको आशंका छ। कर्णाली प्रदेश, जुम्ला र कोहलपुरबाट कुकुरसहितको प्रहरीको अनुसन्धान टोली यसअघि नै मुगु पुगेको थियो। यो टोलीले गत शनिबारदेखि अनुसन्धानको काम जारी राखेको छ।
प्रकाशित मिति : २०८० कात्तिक १२ गते आइतबार
