तिहारमा भारतीय सयपत्री मालाको आयात नहुने भएको छ । सरकारले भारतीय सत्रपत्री मालाको आयात अनुमति पत्रको सिफारिस रोकेको हो ।
बागमती प्रदेश सरकार, पुष्प विकास केन्द्र गोदावरीले एक सूचना प्रकाशित गर्दै यस वर्ष स्वदेशी उत्पादनले तिहारका लागि माग धान्न सक्ने देखिएका कारण भारतीय सयपत्री मालाको आयात अनुमति पत्रको सिफारिस गर्ने काम १ कात्तिकबाटै रोक लगाइएको उल्लेख गरिएको छ ।
![](https://karnalimedia.com/wp-content/uploads/2023/12/1701696927664.gif)
केन्द्रका अनुसार इजाजतपत्र बेगर आयात गरिएका वस्तु अवैध मानिन्छन् ।
यस वर्ष सरकारी तथा निजी संस्थाको संयन्त्रबाट अनुगमन कडा गरिने र अवैध भेटिएमा जफत र दण्ड जरिवाना हुने भन्दै कार्यालयले सचेत समेत गराएको छ ।
![](https://karnalimedia.com/wp-content/uploads/2023/01/nawadurga.gif)
संवाददाता । बुधबार, कार्तिक १५, २०८० मा प्रकाशित