कोरिया जानका लागि रोजगार अनुमति प्रणाली (इपीएस) परीक्षा दिन दिन नपाएपछि युवाले गरेको प्रदर्शनले उग्ररुप लिएपछि प्रहरीले गोली चलाउँदा एक जनाको मृत्यु भएको छ ।
किस्ट अस्पतालमा लगिएका दैलेखका २३ वर्षिय सुदन राउतको मृत्यु भएको हो । एक जना गम्भीर र एक जना सामान्य घाइते भएको महानगरिय प्रहरी परिसर ललितपुरले जनाएको छ ।
५४ जनालाई पक्राउ गरिएको पनि प्रहरीले जनाएको छ । प्रदर्शनमा उत्रिएका युवाले सडक अवरुद्ध पार्दै सवारीसाधनमा आगजनी गरेका थिए ।
भौतिक पूर्वाधार तथा यातायात मन्त्री प्रकाश ज्वालाको बा २ झ ५८६१ नम्बरको गाडी रोकेर उनीहरूले सुरुमा हावा खुस्काएका थिए । लगत्तै उनीहरूले गाडीमा आगजनी समेत गरेका थिए ।
प्रकाशित मिति : २०८० पुस १३ गते शुक्रबार
