डा. महेन्द्रकुमार मल्लको निर्माण र शब्द रचना रहेको ‘काँ पर्यो घर माया’ नृत्यप्रधान लोकगीत आज लोकार्पण गरिएको छ।
उक्त गीतमा शिव सङ्गीत र समीक्षा अधिकारीको स्वर र शिव सङ्गीतको सङ्गीत रहेको छ । गीतको मोडलिङ केपिना गोतामे र अनुराग मल्लले गरेका छन् । काजिस श्रेष्ठको निर्देशन रहेको गीतको छायाङ्कन दुर्गा पौडेल र कोरियोग्राफी प्रशान्त मगरले गरेका छन् ।
नितु सिंह ठकुरीको व्यवस्थापनमा रहेको म्युजिक भिडियोभित्र फर्पिङ्को रमणीय स्थलका दृश्यहरू कैद गरिएका छन् ।
पश्चिम नेपालको मौलिक लोकलयमा आधारित गीतलाई दृश्य र श्रव्य दुवै दृष्टिले अब्बल बनाउने र नृत्यप्रेमीहरूलाई छमछमी नचाउने उद्देश्य रहेको यस गीतका स्रष्टा तथा निर्माताले बताए ।
यस गीतलाई ‘महेन्द्रकुमार मल्ल’युटुब च्यानलबाट सार्वजनिक गरिएको छ ।
संवाददाता । शनिबार, पुष २८, २०८० मा प्रकाशित