सुर्खेत । सुर्खेतमा ट्रयाक्टर र मोटरसाइकल एकआपसमा ठोक्किदा एक जनाको मृत्यु भएको छ ।
आइतबार सल्यानको सल्लीबजारबाट सुर्खेतको गोजी बजारतर्फ जाँदै गरेको बा ९५ प ५२९६ नम्बरको मोटरसाइकल र विपरित दिशाबाट आइरहेको भे १ त ४५ नम्बरको ट्रयाक्टर सिम्ता गाउँपालिका-६, जामुनेबजारमा एक आपसमा ठोक्किँदा एक जनाको घटनास्थलमै मृत्यु भएको हो।
मृत्यु हुनेमा मोटरसाइकल सवार वीरेन्द्रनगर नगरपालिका-३, यरीचोकका २८ वर्षीय विजय राना रहेका छन् ।
यस्तै दुर्घटनामा परि मोटरसाइकल चालक वीरेन्द्रनगर-१ ढोडेखालीका २३ वर्षीय रुपेश गिरि गम्भीर घाइते भएका छन् । उनलाई उपचारका लागि मेहलकुना अस्पतालमा ल्याइएको छ ।
ट्रयाक्टर चालक र साहु भने फरार रहेको प्रहरीको भनाइ छ ।
संवाददाता । आइतबार, फागुन १३, २०८० मा प्रकाशित