सुर्खेत । द हिडन ट्रेजरको अति प्रतिक्षित ‘मिस नेपाल २०२४’ को सुर्खेत अडिसन बैशाख १२ गते हुने भएको छ । सोमबार आयोजित पत्रकार सम्मेलनमा आयोजकले बुधबार सुर्खेतको वीरेन्द्रनगरमा रहेको सिद्धार्थ होटलमा मिस नेपाल २०२४ को लागि अडिसन हुने जनाएको छ ।
पत्रकार सम्मेलनमा मिस नेपाल सृच्छा प्रधान र मिस नेपाल सुपरनेसनल शिमल कनौजिया पनि सहभागी थिए । कार्यक्रममा सुर्खेत अडिसनका लागि योग्य र इच्छुक युवतीलाई प्रतिस्पर्धामा सहभागी हुन आग्रह गरिएको छ । व्यक्तित्व विकास र सशक्तीकरणको लागि मिस नेपालजस्ता प्लाटफर्मले भूमिका खेल्ने राज भाई सुवालले जानकारी दिएका छन् ।
मिस नेपाल सृच्छा र मिस नेपाल सुपरनेसनल शिमलले अनुभव सुनाउँदै प्रतिस्पर्धामा आउन युवतीलाई आग्रह गरे । सुर्खेतमा मंगलबार अभिमुखिकरण कार्यक्रम हुने र बुधबार योग्य र इच्छुक युवतीहरुले प्रतिस्पर्धामा सहभागि हुन पाउँने मिस नेपाल २०२४ सुर्खेत संयोजक केशब थापाले बताएका छन् ।
सुर्खेत अडिसनबाट छानिएका प्रतिस्पर्धीहरुले १८ मेमा काठमाडौंमा अडिसनमा सहभागी हुन पाउँनेछन् । अडिसनबाट छनोट भएकाले फिनालेको लागि प्रशिक्षण तयारीमा भाग लिनेछन् । आगामी अगस्ट ३ मा गोदावरीको सनराइज कन्भेसन सेन्टरमा फिनाले आयोजना हुँदैछ ।
-
- प्रेस विज्ञप्ती
भिडियो हेर्नः
संवाददाता । सोमबार, बैशाख १०, २०८१ मा प्रकाशित