सुर्खेत । कर्णाली प्रदेश सरकारले आर्थिक बर्ष २०८१/०८२ को बजेट ल्याएको छ। शनिबार आर्थिक मामिला तथा योजना मन्त्री महेन्द्र केसीले संसदबाट बजेट प्रस्तुत गरेका हुन्।

प्रदेश सरकारले आगामी आर्थिक बर्षका लागि ३१ अर्ब ४१ करोड ४१ हजार रुपैयाँ कुल बजेट ल्याएको छ। जसमध्ये चालुतर्फ ७ अर्ब ५७ करोड ५५ लाख ९२ हजार अर्था २४.१२ प्रतिशत रहेको छ। रहेको छ। पुँजीगततर्फ १८ अर्ब ७५ करोड ८ लाख ६८ हजार अर्था ५९.७ प्रतिशत रहेको छ।

यस्तै वित्तिीय व्यवस्थापनतर्फ ०.८ प्रतिशत अर्था २५ करोड रुपैयाँ विनियोजन गरिएको छ। ४ अर्ब ८३ करोड ३५ लाख ५१ हजार स्थानीय तहमा वित्तीय हस्तान्तरण गरिएको छ।

कर्णाली प्रदेश सरकारले प्रस्तुत गरेको आर्थिक बर्ष ०८१/८२ को कुल बजेटमध्ये आन्तरिक राजस्वतर्फको ८३ करो ४४ लाख ६५ हजार रुपैयाँ छ। चालु आर्थिक बर्षमा खर्च नभएको ५ अर्ब १३ करोड ८१ लाख २६ हजार रुपैयाँ पनि समावेश गरिएको छ।

कर्णाली प्रदेश सरकारको कुल बजेटमध्ये संघीय सरकारबाट राजस्व बाँडफाँटवापतको रकम ९ अर्ब ३८ करोड ५३ लाख प्राप्त भएको छ। वित्ती समानीकरण अनुदानतर्फ १० अर्ब ३६ करोड ६३ लाख प्राप्त भएको छ भने सशर्त अनुदानतर्फ ३ अर्ब ७१ करोड ५० लाख रुपैयाँ प्राप्त भएको छ।

यस्तै संघीय सरकारबाट समपुरक अनुदानतर्फ १ अर्ब २८ करोड ५० लाख र विशेष अनुदानतर्फ ६७ करोड ६५ लाख रुपैयाँ प्राप्त भएको छ।