सुर्खेत । आजबाट सुरु हुने मुख्यमन्त्री कप कर्णाली प्रदेश स्तरीय टि–२० क्रिकेट प्रतियोगिताको पहिलो खेल दैलेख र रुकुम पश्चिमबीच हुने भएको छ । खेल बिहान ८ बजेबाट सुरु हुनेछ ।
मुख्यमन्त्री कप क्रिकेट प्रतियोगितामा कर्णाली प्रदेशका ७ जिल्लाहरु सहभागि भएका छन् । सहभागि टिमलाई २ समुहमा विभाजन गरिएको छ । समुह ‘ए’ मा रुकुम पश्चिम, जाजारकोट, दैलेख, कालिकोट र समुह ‘बी’ मा सल्यान, सुर्खेत र जुम्ला रहेका छन् ।
![](https://karnalimedia.com/wp-content/uploads/2023/12/1701696927664.gif)
असार १४ गतेसम्म सञ्चालन हुने मुख्यमन्त्री कप क्रिकेट प्रतियोगिताका समुह चरणका खेलहरु १२ गतेसम्म हुनेछन् । सेमिफाइनलका खेलहरु १३ गते र फाइनल खेल १४ गते हुनेछ ।
कर्णाली प्रदेश क्रिकेट संघको आयोजना र कर्णाली प्रदेश खेलकुद बिकास परिषद्को आर्थिक सहयोगमा सञ्चालन भएको मुख्यमन्त्री कप क्रिकेट प्रतियोगिताका सबै खेलहरु सुर्खेतको कालिन्चोक क्रिकेट मैदानमा हुनेछन् ।
![](https://karnalimedia.com/wp-content/uploads/2023/01/nawadurga.gif)
संवाददाता । शनिबार, असार ०८, २०८१ मा प्रकाशित