आज (सोमबार) राति देशका पाँच प्रदेशका विभिन्न स्थानमा हिमपात तथा वर्षा हुने सम्भावना रहेको मौसम पूर्वानुमान महाशाखाले जनाएको छ।
महाशाखाका अनुसार राति कोसी प्रदेशको हिमाली क्षेत्रका एक/दुई स्थानमा हल्का हिमपात हुने सम्भावना छ भने बागमती प्रदेशको हिमाली क्षेत्रका पनि एक/दुई स्थानमा हल्का हिमपात हुने सम्भावना छ।
यस्तै गण्डकी प्रदेशको हिमाली क्षेत्रका थोरै स्थानमा हल्का हिमपात हुने सम्भावना छ भने कर्णाली प्रदेशको हिमाली क्षेत्रका पनि थोरै स्थानमा हल्का हिमपात हुने सम्भावना छ।
साथै कर्णालीको पहाडी क्षेत्रका एक/दुई स्थानमा हल्का वर्षा हुने सम्भावना छ।
यसैगरी सुदूरपश्चिम प्रदेशको हिमाली क्षेत्रका थोरै स्थानमा हल्का हिमपात तथा पहाडी क्षेत्रका एक/दुई स्थानमा हल्का वर्षा हुने सम्भावना रहेको मौसम महाशाखाले जनाएको छ।
संवाददाता । सोमबार, पुष २२, २०८१ मा प्रकाशित