सुर्खेत । वीरेन्द्रनगरमा भिजिट कर्णाली रिसोर्ट संचालनमा आएको छ । वीरेन्द्रनगर १० बुलबुले चोकमा रहेको रिसोर्टको आज उद्घाटन गरिएको हो ।
भिजिट कर्णाली यातायात प्रालीद्वारा संचालित भिजिट कर्णाली रिसोर्टको उद्घाटन गर्दै कर्णाली प्रदेशका उद्योग, पर्यटन बन तथा बाताबरण मन्त्री सुरेश अधिकारीले कर्णालीको पर्यटन विकासमा भिजिट कर्णालीले महत्वपूर्ण भूमिका निर्वाह गर्ने बताए । पर्यटकलाई सुविधा सम्पन्न सेवा दिनेमा विस्वस्त रहेको बताउँदै मन्त्री अधिकारीले रिसोर्टको सफलताको शुभकामना समेत व्यक्त गरेका छन् ।
निमार्ण सम्पन्न हुँदासम्म १ करोड बराबरको लागत लाग्ने अनुमान गरिएको उक्त रिर्सोटमा १३ जनाले रोजगारी पाएका छन् ।
स्वदेशमै रोजगारी सिर्जना गर्ने र कर्णालीमा पर्यटन क्षेत्रको विकासमा सहयोग पुराउने उदेश्यले रिसोर्ट संचालन गरिएको भिजिट कर्णाली रिसोर्टका अध्यक्ष प्रकाश कुमार शाहीले बताए । भिजिट कर्णाली यातायात प्रालीबाट पर्यटकलाई उत्कृष्ट सेवा दिएको बताउँदै अब रिसोर्टले पनि यसमा सहयोग पुराउने बताए ।
संवाददाता । शुक्रबार, पुष २६, २०८१ मा प्रकाशित