सुर्खेत । आज आइतबार नेकपा एमालेका अध्यक्ष केपी शर्मा ओली हुम्ला आएका छन । हुम्ला आए लगत्तै ओलि सिमकोट विमानस्थलबाट लिमीतर्फ प्रस्थान गरे । लिमी उपत्यकाको अवलोकन भ्रमण सकेर सिमकोट फर्केका ओलीको विमानस्थलमा पुनः भव्य स्वागत गरिएको छ । 
विमानस्थलमा ठूलो संख्यामा एमाले नेता कार्यकर्ता र स्थानीयले उनलाई बाजागाजासहित हुम्लामा भव्य स्वागत गरेका थिए ।
हुम्लाका विश्लेषकका अनुसार, एमाले हुम्लाको हालसम्मकै सबैभन्दा ठुलो संख्याको लहर देखिएको हो । 
अध्यक्ष ओली जिल्लामा आएपछि सिमकोटको सुरक्षा ब्यवस्था कडा गरिएको छ ।
ओलीसँग एमाले महासचिव बिष्णु पोखरेल धर्मपत्नी राधिका शाक्य लगायतका नेता हुम्ला आएका छन ।
संवाददाता । आइतबार, बैशाख ०४, २०७९ मा प्रकाशित