नेकपा (एमाले) का प्रभावशाली नेता विष्णु रिजालले राजावादीहरुले पूर्वराजा ज्ञानेन्द्र शाहलाई फेरि राजा हुनुपर्छ उचालेर हैरान पारिरहेको टिप्पणी गरेका छन् । पूर्वराजा ज्ञानेन्द्रले राजतन्त्र आफ्नै हातबाट समाप्त पारेको र उनलाई नबिोलिकन परिवारकै साथ बस्न दिनुपर्ने मत राखेका छन् । उनले फेशबुकमा लेखेका छन्-

ज्ञानेन्द्र शाहलाई ‘राजावादी’हरूले राजा हुँदा पनि सुखले बस्न दिएनन् र ‘मौसुफ त चक्रवर्ती सम्राट हो’ भनेर उचालेर राजतन्त्र समाप्त पार्ने ठाउँमा पुर्याए भने अहिले सामान्य नागरिक भएका बेला पनि आनन्दले आफ्नो व्यापार(व्यवयाय गर्न दिइरहेका छैनन् र फेरि ‘राजा हुनुपर्छ’ भनेर उचालेर हैरान पारिरहेका छन् । ७८ बर्षको उमेर, छोरा पारसको अनियन्त्रित हालत, दाजुको बंश विनाशको पृष्ठभूमि र २४० बर्ष पुरानो राजतन्त्र आफ्नै हातबाट समाप्ति जस्ता घटनाले पृष्ठभूमिमा उनलाई नबिथोलेर परिवारका साथ बस्न दिनु नै ‘राजावादी’हरूले उनलाई सहयोग गरेको ठहर्छ । उपप्रधानमन्त्रीरमन्त्रीरसांसद बन्न पाउँदा संविधान र संघीय लोकतान्त्रिक गणतन्त्रको चर्को स्वरमा शपथ खानेहरूले गणतन्त्र फालेर राजतन्त्र फर्काउँछौं भन्नु हुटिट्याउँले आकाश थाम्नु जस्तै हो । यसबाट अरुको टेकोमा संसदमा पाएका २(४ सिट पनि अर्को चुनावमा इतिहास बन्छन् । २०७० सालमा २५ सिट ल्याएका कमल थापाले बढी चुरिफुरि गर्दा ४ बर्षपछि ०७४ र त्यसपछि भोगेको हालत पुरानो भएको छैन ।