सुर्खेत । सुर्खेतको वीरेन्द्रनगरमा डिप्रोक्स लघुवित्त वित्तीय संस्था लिमिटेडले सदस्यहरुको क्षमता विकास तथा व्यवसाय प्रवर्द्धन सम्वन्धि कार्यक्रम सम्पन्न गरेको छ ।

आइतबार डिप्रोक्स लघुवित्त वित्तीय संस्था लिमिटेड शाखा कार्यालय एकतानगर सुर्खेतको आयोजनामा सदस्यहरुको क्षमता विकास तथा व्यवसाय प्रवर्द्धन सम्वन्धि एकदिने व्यवसायिक कुखुरा पालन तालिम सम्पन्न भएको हो ।

कार्यक्रममा डिप्रोक्स लघुवित्त वित्तीय संस्थाका कर्णाली प्रदेश प्रमुख राजेश थापाले संस्थानको बारेमा जानकारी दिँदै क्षमता विकास कार्यक्रमले सदस्यहरुको व्यवसाय प्रवद्र्धनमा महत्वपूर्ण भूमिका निर्वाह गर्ने बताए । यस्तै
शाखा प्रबन्धक अनिल बस्नेतले डिप्रोक्स लघुवित्तले हालसम्म संचालन गरेका कार्यक्रमहरु र यसको उपलब्धिका बारेमा जानकारी दिएका थिए ।

तालिममा ४० जना सदस्यहरुको सहभागिता रहेको थियो । भने सहभागि सदस्यहरूलाई वीरेन्द्रनगर नगरपालिका पशु पन्छी विकास शाखाका प्राविधिकहरु तालिम प्रदान गरेका थिए । यो तालिम पश्चात सदस्यहरूले खोर कसरी व्यवस्थान गर्ने, रोग कसरी निवारण गर्ने, बजार व्यवस्थापन, सफल उद्यमी र आत्मनिर्भर कसरी बन्ने भन्ने बारेमा जानकार हुने अपेक्षा गरिएको छ ।

कार्यक्रममा वीरेन्द्रनगर नगरपालिका वडा नम्बर १० का जनप्रतिनिधी लगायतको सहभागिता रहेको थियो । कार्यक्रमको सञ्चालन डिप्रोक्स शाखामा कार्यरत कर्मचारी माया भट्टराई गरेकी थिइन ।