सुर्खेत । डा. महेन्द्र कुमार मल्लको नक्खी गीत सार्वजनिक भएको छ । सोमबार सुर्खेतमा एक औपचारिक कार्यक्रम गरेर नक्खी गीत सार्वजनिक गरिएको हो ।
गायिका अनु चौधरीको स्वरमा रहेको उक्त गीत डा. महेन्द्र कुमार मल्लको शब्द, शिब सङ्गीतको संगीत र नितु सिंह ठकुरीको व्यवस्थापनमा तयार पारिएको हो ।
गीत सार्वजनिक कार्यक्रममा बोल्दै डा. मल्ल्ले प्रकाशनको अन्तिम तयारीमा रहेको उपन्यास नक्खीको प्रतिविम्बको रुपमा यो गीत तयार पारिएको बताए । महेन्द्र कुमार मल्लको आधिकारिक युट्युब च्यानलबाट सार्वजनिक भएको उक्त गीतले सार्वजनिक भएको केही घण्टामा नै दर्शकको राम्रो प्रतिक्रिया पाएको छ ।
सर्जक मल्लका ‘हाँगा डालीमा’, ‘नाचिदे कान्छि’, ‘राधा’, ‘काँ पर्यो घर माया’, ‘सरगम’ लगायतका गीतहरु लोकप्रिय छन् ।
नक्खी गीत तलको लिंकमा क्लिक गरेर हेर्न सकिनेछ ।
संवाददाता । सोमबार, फागुन १९, २०८१ मा प्रकाशित