वीरेन्द्रनगर । मध्यपश्चिम विश्वविद्यालय सुर्खेतको केन्द्रिय क्याम्पसमा भएको स्वतन्त्र विद्यार्थी यूनियनको निर्वाचनमा नेपाल विद्यार्थी युनियनको प्यानल निर्वाचित भएको छ ।
नेपाल विद्यार्थी संघका उम्मेदवार विवेक खड्काले एक हजार एक सय ८८ मत ल्याएर निर्वाचित भएका छन् भने उनका निकटत्म प्रतिद्वन्द्वी अनेरास्ववियुका जगतजंग शाहीले ९०८ मत ल्याएका छन् ।
सचिवमा नेविसंघका भुपेन्द्र आचार्यले १ हजार ३ सय ९६ मत ल्याएर निर्वाचित भएका । उनका प्रतिद्वन्द्वी भुपेन्द्र भण्डारीले ७ सय ९ मत प्रप्त गरेका छन् ।यसैगरी कोषाध्यक्षमा लोकप्रसाद रिजालले १ हजार २ सय ५५ मत ल्याएर निर्वाचित भएका छन् । उनका प्रतिसपर्धी बिक्रमसिह मन्दिरले ८ सय ९३ मत प्राप्त गरेका छन् ।
यसैगरी सदस्यमा नेविसंघका गणेश थापा, निसान्त शाही, प्रकास सिंह, प्रतिक्षा थापा, विकासकुमार थापा, विष्णुराज थापा र शिवराज ढकाल निर्वाचित भएका छन ।
४ हजार ३८३ मतदाता रहेको विश्वविद्यालयमा १९ सदस्यीय कार्यसमिति चयन हुनेछ । चैत १८ गते भएको निर्वाचनबाट अध्यक्ष, सचिव र कोषाध्यक्षसहित १० जना प्रत्यक्ष र ९ जना समानुपातिक गरी १९ जनाको कार्यसमिति रहनेछ ।
संवाददाता । बुधबार, चैत २०, २०८१ मा प्रकाशित