सुर्खेत । माध्यमिक शिक्षा परीक्षा (एसईई) आजबाट देशभर सुरु भएको छ । यस पटकको एसईईमा कर्णालीबाट ३७ हजार ५४५ जना विद्यार्थीहरु सहभागी भएका छन् । वैशाख २० गते सकिने परीक्षामा आज पहिलो दिन अंग्रेजी विषयको परीक्षा भइरहेको छ ।
कोरोना महामारीका कारण अघिल्ला दुई वर्षसम्म हुन नसकेको परीक्षा यस वर्ष भौतिक रुपमा सञ्चालन भएको हो । कर्णालीमा १७३ वटा परीक्षा केन्द्र तोकिएको छ भने देशभर दुई हजार सात परीक्षा केन्द्र तोकिएको छ । देशभरबाट कूल ५ लाख १४ हजार ९६७ परीक्षार्थी सहभागी भएका छन् ।
जगत सापकोटा । शुक्रबार, बैशाख ०९, २०७९ मा प्रकाशित