काठमाडौँ । नवनियुक्त शिक्षामन्त्री रघुजी पन्तले शिक्षकहरूको मागबारे जानकार भए पनि अहिलेसम्म भएका प्रयासहरूबारे जानकारी लिएपछि मात्रै बोल्ने बताएका छन्।
शिक्षामन्त्रीको पदभार ग्रहणपछि सञ्चारकर्मीहरूसँग कुरा गर्दै शिक्षकहरूलाई वार्ताबाट कक्षाकोठामा फर्काउने प्रयास गर्ने बताए।
उनले भने, अब बोल्ने भन्दा पनि काम गर्ने ठाउँमा आएको छु। वार्ताबाट शिक्षकहरूको माग सम्बोधन गर्ने प्रयास गर्छु। मेरो सम्पूर्ण ध्यान त्यता केन्द्रित हुन्छ।’
विद्या भट्टराईले शिक्षामन्त्रीबाट राजीनामा दिएपछि पन्तलाई प्रधानमन्त्री केपी शर्मा ओलीले शिक्षामन्त्रीमा नियुक्त गरेका थिए । विद्यालय शिक्षा ऐनको माग गर्दै शिक्षकहरू २३ दिनदेखि आन्दोलनमा छन् ।
शिक्षकहरूको माग सम्बोधन गरेर शिक्षकहरूलाई विद्यालय फर्काउनुपर्ने उनीमाथि चुनौती रहेको छ ।
प्रकाशित मिति : २०८२ वैशाख ११ गते बिहीबार
