सुर्खेत । यू-१६ राष्ट्रिय क्रिकेट प्रतियोगिता जेठ १९ गतेदेखि ३१ गतेसम्म आयोजना हुने भएको छ। जुन २०२५ मा संचालन हुने एसीसी मेन्स यू-१६ इस्ट जोन कप २०२५ क्रिकेट प्रतियोगितालाई मध्यनजर गर्दै नेपालको राष्ट्रिय टिम छनौटका लागि यो प्रतियोगिताका आयोजना गरिएको हो।
नेपाल क्रिकेट संघको आयोजना र कर्णाली प्रदेश क्रिकेट संघको सहआयोजनामा कर्णाली प्रदेशको राजधानी सुर्खेतमा पहिलो पटक आयोजना हुने यस प्रतियोगितामा सात प्रदेशका यू-१६ क्रिकेट टिमका खेलाडीहरुले प्रतिस्पर्धा गर्नेछन्।
लिग चरणमा हुने यस प्रतियोगितामा जम्मा २१ खेलहरु खेलिनेछन्। खेलहरु कालिन्चोक क्रिकेट मैदान र वीरेन्द्रनगर क्रिकेट मैदानमा आयोजना हुनेछन्।
हाल कर्णाली प्रदेशले क्रिकेटमा महत्वपूर्ण उपलब्धी हासिल गरिरहेको र यस प्रतियोगिताले क्रिकेट खेलको विकास तथा विस्तारमा सहयोग पुर्याउने लक्ष्य लिएको कर्णाली प्रदेश क्रिकेट संघका अध्यक्ष पदम खड्काले बताएका छन्।
यस्तो छ खेल तालिका:
संवाददाता । बुधबार, जेठ १४, २०८२ मा प्रकाशित