सुर्खेत । सुर्खेतको गुर्भाकोट नगरपालिका–१० डाँफेमा जङ्गली च्याउ खाँदा एउटै घरका पाँच जना बिरामी भएका छन्।
बिहान करिब ९:३० बजे च्याउ सेवन गरेका उनीहरूलाई बेलुका ४:५५ बजे उपचारका लागि मेहलकुना अस्पताल सुर्खेत ल्याइएको हो। बिरामीहरूको स्वास्थ्य अवस्था मध्यम रहेको र सबै जना बोल्न सक्ने अवस्थामा रहेको मेहलकुना अस्पतालले जानकारी दिएको छ।
च्याउ खाँदा बिरामी हुनेमा भिमसरा खत्री, शुसिला श्रीष, जानकी पौडेल, तारा खत्री र शिरिष खत्री रहेका छन्।
संवाददाता । शनिबार, असार १४, २०८२ मा प्रकाशित