सुर्खेत । अन्तर्राष्ट्रिय युवा दिवसको अवसरमा ‘समृद्ध कर्णालीका लागि युवा’ विषयक प्रदेशस्तरीय वहस कार्यक्रम आयोजना गरिएको छ।
कर्णाली युथ सोसाइटीको आयोजनामा साउन २६ गते सुर्खेतमा प्रादेशिक वहस हुनेछ। “अब युवालाई सुनौं” भन्ने मूल नारासहित आयोजना हुने उक्त वहसको उद्देश्य कर्णाली प्रदेशका युवाको विचार, सुझाव र भूमिकालाई नीति निर्माण तहसम्म पुर्याउनु रहेको आयोजकले जनाएको छ।
कार्यक्रम मध्यपश्चिम विश्वविद्यालयको केन्द्रीय कार्यालय (कुईनेपानी) सुर्खेतमा सोमबार बिहान ११ बजेदेखि सुरु हुनेछ। यस प्रादेशिक वहसमा कर्णाली प्रदेशका विभिन्न जिल्लाबाट युवाहरु सहभागी हुनेछन्।
यस वहसमा मिडिया पार्टनरमा कर्णाली मिडिया, लाइका खबर र सोशल मिडिया पार्टनरमा मोट ग्याङ नेपालले सहकार्य गरेका छन्। वहसमा युवाले कर्णालीको आर्थिक, सामाजिक, शैक्षिक, सांस्कृतिक तथा राजनीतिक विकासका लागि आफना धारणा प्रस्तुत गर्नेछन्।
आयोजकका अनुसार यस प्रकारका कार्यक्रमहरूले युवामा आवाज, नेतृत्व क्षमता, सार्वजनिक बोल्ने सीप र सामाजिक उत्तरदायित्वको भावना विकास गर्न मद्दत पुर्याउनेछ। साथै बहसबाट आएका सुझाव र निष्कर्षलाई सम्बन्धित निकायसम्म पुर्याइनेछ।
संवाददाता । शुक्रबार, साउन २३, २०८२ मा प्रकाशित