सुर्खेत । सुर्खेत प्रहरीले लागूऔषध ब्राउनसुगरसहित दुई जनालाई पक्राउ गरेको छ।
बुधबार राती करिब ९ बजे वीरेन्द्रनगर नगरपालिका–११ सुब्बाकुना क्षेत्रमा लागूऔषधको कारोबार भइरहेको भन्ने गोप्य सूचनाका आधारमा जिल्ला प्रहरी कार्यालय लागूऔषध नियन्त्रण शाखा सुर्खेतबाट खटिएको संयुक्त टोलीले उनीहरूलाई नियन्त्रणमा लिएको हो।
पक्राउ पर्नेमा वीरेन्द्रनगर–११ बस्ने अन्दाजी १८ वर्षीय किरण थापा र २२ वर्षीय बिक्रम वली रहेका छन्। शंका लागी खानतलासी गर्दा उनीहरूको साथबाट ५.५४० ग्राम (पाँच ग्राम पाँच सय चालिस मिलिग्राम) ब्राउनसुगर बरामद भएको प्रहरीले जनाएको छ।
उनीहरूलाई नियन्त्रणमा लिएर मुद्दा दर्ता गरिएको र अदालतबाट म्याद थप गरी थप अनुसन्धान भइरहेको जिल्ला प्रहरी कार्यालय सुर्खेतले जानकारी दिएको छ।
संवाददाता । बिहिबार, साउन २९, २०८२ मा प्रकाशित