सुर्खेत । नेपाल हेभी इक्यूमेन्ट राष्ट्रिय स्वतन्त्र अपरेटर संघको प्रथम कर्णाली प्रदेश भेला आगामी भदौ ५ गते कर्णाली प्रदेशको राजधानी सुर्खेतमा हुने भएको छ।
संघ दैलेख जिल्ला अध्यक्ष सूर्यप्रकास भण्डारीका अनुसार, यो कार्यक्रम कर्णाली प्रदेशमा पहिलो पटक हुन लागेको हो। उनले भने, “भेलाले हेभी इक्यूमेन्ट सञ्चालनका क्रममा देखिएका विभिन्न समस्याहरु समाधान गर्न सहयोग पुर्याउनेछ र सबैलाई एक्यवद्ध बनाउन मद्दत गर्नेछ।”
कार्यक्रममा संघका केन्द्रीय अध्यक्ष, कर्णाली प्रदेशका विभागीय मन्त्री तथा विभिन्न विशिष्ट अतिथीहरूको सहभागिता रहनेछ। साथै भेलामा हेभी इक्यूमेन्ट सञ्चालनका क्रममा देखिएका समस्यामाथि छलफल गरी सम्बन्धित निकायलाई ध्यानाकर्षण गराइनेछ।
भेला सुर्खेतको वीरेन्द्रनगरस्थित बुलबुले भ्यू होटलमा आयोजना गरिने संघले जनाएको छ।
संवाददाता । आइतबार, भदौ ०१, २०८२ मा प्रकाशित