८ असार, सुर्खेत – सुर्खेत दैलेख सडक खण्डको कपासे नजिक वोलेरो जिप दुर्घटना भएको छ ।
दैलेख देखि सुर्खेत तर्फ आउदै गरेको बा १ झ ८७८४ नम्बरको जल तथा मौसम विज्ञान विभाग कोहलपुर शाखाको गाडी कपासेमा दुर्घटना भएको हो ।
गाडीमा पाँच जना सवार मध्य एक जनाको मृत्यु भएको र चार जना घाइते भएको जिल्ला प्रहरी कार्यालय सुर्खेतका प्रवक्ता प्रहरी नायव उपरीक्षक सुरज कार्किले जानकारी दिएका छन् ।
उनको अनुसार मृत्यु हुनेमा रुकुमको बर्ष ३८ धर्मराज बुढाथोकी रहेको र घाइतेहरुको प्रदेश अस्पताल कालागाउमा उपचार भईरहेको छ । घाईते हुनेमा एक जना बच्चा पनि रहेको छ ।
जिपको ब्रेक फेल भएर अनियन्त्रित भई दुर्घटना भएको हुन सक्ने प्रहरीको भनाई छ । थप अनुसन्धान भईरहेको छ ।
संवाददाता । बुधबार, असार ०८, २०७९ मा प्रकाशित