२८ साउन, सुर्खेत । सुर्खेत महिला जेसिजले विभिन्न कार्यक्रमहरु गर्दै सप्ताहव्यापी कार्यक्रम सम्पन्न गरेको छ । हरेक बर्ष झै यो बर्षपनी भव्य रुपमा सप्ताहव्यापी कार्यक्रम गरिएको हो ।
सुर्खेत महिला जेसिजले साउन २४ गते मंगलबारदेखी शुरु गरेर साउन २८ गत्ते सनिबारसम्म वीरेन्द्रनगरमा विभिन्न कार्यक्रम गर्दै आज सप्ताहव्यापी कार्यक्रमको समापन गरेको छ।
उद्घाटन कार्यक्रममा २४ गते मंगलबार रक्तदान र श्री नेपाल आधारभुत बिधालय वीरेन्द्रनगर-९ घुस्रामा शैक्षिक समाग्री बितरण कार्यक्रम भएको थियो, यस्तै २५ गते तनाब व्यवस्थापन तालिम, २६ गते बक्तृत्वकला प्रतियोगिता र २८ गते पुरस्कार वितरण र नारी सम्मानबाट शिक्षा क्षेत्रमा महत्वपूर्ण योगदान गरेको आधारमा बराहताल गाउँपालिका-७ मा रहेको श्री नेपाल राष्ट्रिय प्राथमिक बिधालयकि प्राचार्य पुष्पा रानालाई सम्मान गरिएको थियो ।
महिला जेसिजले महिला जेसिजको अध्यक्ष मनिषा कौसलको अध्यक्षता र महिला विकास अधिकृत अनिता ज्ञावलीको प्रमुख आतिथीमा आफ्नो सप्ताहव्यापी कार्यक्रम समापन गरेको सुर्खेत महिला जेसीजको कार्यकारी उपाध्यक्ष सीता भण्डारीले जानकारी दिइन् ।
कार्यक्रमका केही तस्वीरहरु :
संवाददाता । शनिबार, साउन २८, २०७९ मा प्रकाशित