सुर्खेत । सुर्खेतमा रहेको कर्णाली मल प्रा.लिले नेपालीहरुको महान पर्व दशै तिहार तथा छठको अवसरमा आफ्ना ग्राहकहरुलाई चाडपर्व विशेष छुट अफर सार्वजनिक गरेको छ।
चाडपर्वमा कर्णाली मलमा सामान किन्दा अब ग्राहकहरुले भारी छुट पाउनुका साथै विषेश अफरहरु पनि प्राप्त गर्नेछन् । मलमा लत्ता तथा फेन्सी कपडा, इलेक्ट्रोनिक सामान र भाडाकुडाको खरिदमा किन्दा १५ प्रतिशत छुट, कस्मेटिक सामानमा २ प्रतिशत छुट, इलेक्ट्रोनिक सामानहरु काठमाडौंको दररेटमा साथै फुलपातीको दिनमा विशेष छुट अफर रहने कर्णाली मलका प्रबन्ध निर्देशक गणेश ढकालले बताए। ग्राहकहरुको मागलाई मध्यनजर गर्दै चाडपर्वमा विभिन्न अफरहरु ल्याएको उनको भनाई छ।
कर्णाली मलले एउटै ठाँउबाट ग्राहकहरुलाई धेरै सुबिधाहरु प्रदान गर्दै आएको छ। साथै कर्णाली मलको पाचौं तलामा टप भ्यु रेष्टुरेन्टको पनि व्यवस्था रहेको छ। साथै कर्णाली मल संचालनमा आएको एक बर्ष पूरा भएको छ।
संवाददाता । बिहिबार, असोज १३, २०७९ मा प्रकाशित