सुर्खेत । सुर्खेतको ब्यूरेनीमा गुडिरहेको स्कुटरमाथी पहिरो खस्दा दुई जना घाइते भएका छन् । घाइते हुनेमा स्कुटी चालक वीरेन्द्रनगर नगरपालिका–४ का २९ वर्षको कमल पन्त र २५ वर्षका सुरेश नेपाली रहेको जिल्ला प्रहरी कार्यालय सुर्खेतले जनाएको छ ।
शुक्रबार दिउँसो कर्णाली प्रदेश ००२००१ प ५३०४ नम्बरको स्कुटरमा वीरेन्द्रनगरदेखि छिन्चु तर्फ जाँदै उनिहरुलाई पहिरोले पुरेको जिल्ला प्रहरी कार्यालय सुर्खेतका प्रवक्ता एवंम् डीएसपी सुरज कार्कीले जानकारी दिए ।
घाइते दुबैजनाको हाल सुर्खेत अस्पतालमा उपचार भईरहेको प्रहरीले जनाएको छ । उनिहरुको टाउँको र पाखुरामा चोट लागेको र अवस्था सामान्य रहेको डीएसपी कार्कीले जानकारी दिए ।
संवाददाता । शुक्रबार, असोज २१, २०७९ मा प्रकाशित