सुर्खेत । आफ्नो जन्मदिनको अवसरमा युवा समाजसेवी यम बहादुर गहतराजले कालिकोटको एक विद्यालयमा शैक्षिक सामाग्री वितरण गरेका छन्। नरहरिनाथ गाउँपालिका वडा नं.७ स्थित श्री शान्ती आधारभुत बिधालय धाँचुकोटदरबारमा उनले शैक्षिक सामाग्री वितरण गरेका हुन् ।
स्वर्गीय भाइ सुन्दर गहतराजले अध्ययन गरेको विद्यालयको माया र अहिले अध्यनरत विद्यार्थीको उज्ज्वल भविष्यमा टेवा पुग्ने उदेश्यले स्वर्गीय भाईको सम्झनामा आफ्नो जन्मदिनको अबसरमा शैक्षिक सामाग्री वितरण गरेको उनले बताए।
उनले बिधालयका ६० जना बालबालिका लाई (बर्णमाला, कापी, पेन्सिल, कटर र ईरेजर लगाएतका) सामाग्री वितरण गरेका छन् ।
गहतराजले जन्मदिनको अवसरमा बिधालयमा शैक्षिक सामाग्री बाँडेकोमा बिधालयका प्रधानाध्यापक डब्बल बहादुर बटाला ले खुसी व्यक्त गर्दै जन्मदिनको शुभकामना व्यक्त गरेका छन्।
उनी अहिले बिरेन्द्रनगर नगरपालिका ३ सुर्खेत, न्यु रत्ना ईन्जिनियरिङ वर्क शप का संचालक तथा युवा व्यवसायी र सामाजिक कार्यमा सक्रिय रहेका छन्।
संवाददाता । शुक्रबार, माघ १३, २०७९ मा प्रकाशित