दैलेख । दैलेखमा ट्याक्टर दुर्घटना हुदा एकजनाको मृत्यु भएको छ । जिल्लाको नारायण नगरपालिका १ सशस्त्र ब्यारेक नजिक मध्यपहाडी लोकमार्गमा ट्याक्टर दुर्घटना भएको हो ।
दुर्घटनामा परी नारायण नगरपालिका १० बस्ने रमेश बि.क. घाईते भएको र उपचारको लागि जिल्ला स्वास्थ्य कार्यालय ल्याइएकोमा उपचारका क्रममा शनिबार बेलुका पौने ८ बजेको समयमा मृत्यु भएको जिल्ला प्रहरी कार्यालय दैलेखले जनाएको छ ।
दैलेख बजारबाट किमुगाँउ तर्फ जादै गरेको भे २ त १४७८ नम्बरको ढुङ्गा लोड ट्याक्टर दुर्घटनामा परेको थियो । चालक तत्काल फरार रहेको र खोजिकार्य भईरहेको साथै, ट्याक्टर जिल्ला प्रहरी कार्यालय दैलेखको नियन्त्रणमा रहेको प्रहरीको भनाई छ ।
संवाददाता । शनिबार, माघ १४, २०७९ मा प्रकाशित